Que pasa na Costa

Do traballo dun grupo de amigos xurdiron hai máis dunha década Galinus, axencia de marketing que se mantivo en funcionamento en Corcubión ata o ano 2013, e o diario dixital de información local Que pasa na Costa. O xerme de Arela está en Galinus e en Que pasa na Costa. Estamos orgullosos de poder dicir que formamos parte da “familia QPC”.

Levan máis dunha década sendo un referente na información da Costa da Morte. Pero son moito máis ca iso. “Somos xente pequena, nun lugar pequeno, facendo cousas pequenas”, e para iso é fundamental contar cun espazo que poña en valor o sitio no que vivimos, que recolla e transmita as preocupacións e demandas da xente.

Nós queremos formar parte do futuro de Que pasa na Costa, sumar para poder contar cunha ferramenta que a Costa da Morte necesita.