O Tempo da Aldea

Galicia é a suma de moitas aldeas ateigadas de recursos naturais, de patrimonio histórico e cultural. Somos o que somos grazas ao traballo que os nosos pais e avós fixeron antes na aldea e no monte. Hoxe desaparece unha aldea cada cinco ou seis días. Pérdense os montes cheos de animais e árbores froiteiras, as hortas cheas de froitos; pérdense maneiras de facer e falar. O Tempo da Aldea é unha cooperativa que propón unha idea, un modelo para o futuro do rural baseado no aproveitamento dos nosos propios recursos.

Arela colabora na xestión do proxecto e encárgase da comunicación do mesmo. Temos a responsabilidade de poñer en valor, de denunciar, de esixir, de defender un proxecto que necesitamos.