Máster en Servizos Culturais

O Máster en Servizos Culturais, da Universidade de Santiago, forma tituladas e titulados “capaces de xestionar calquera recurso patrimonial e convertelo nunha fonte de riqueza e desenvolvemento”. A fórmula é a mestura de formación, experiencia en contornos laborais reais e imaxinación.

Durante o verán (dende o ano 2015), xestionamos a comunicación do máster; creamos contidos e actualizamos as redes sociais buscando ás potenciais alumnas e alumnos. Só había que dicirlle á xente nova que se poden formar en xestión cultural en Galicia.

A nós gústanos traballar e aprender neste sector, contribuír á nosa maneira ao desenvolvemento cultural galego.